Þetta er hún Kókó en ræktunarnafn hennar er ISCH Carriegame Bridget IS07678/04. Kókó er fædd 10. júlí 2003 og kemur úr Carriegame ræktun Gail Dodd en frá henni hafa komið margir afar fallegir hundar.

Kókó hefur alltaf hlotið 1. einkunn, þrisvar heiðursverðlaun, 3 meistaraefni, 3 íslensk meistarastig, 1 alþjóðlegt meistarastig (CACIB) þrisvar verið valin besta tík tegundar og tvisvar besti hundur tegundar. Á sumarsýningu í V'iðidal 2008 hlaut hún þriðja meistarastigið sitt og varð þar af leiðandi fyrsti íslenski meistarinn í 5 ár. Í október 2007 gat hún ekki tekið þátt í sýningu en þá tók 22 mánaða dóttir hennar sig til og var valin besti labrador tegundar, hlaut meistarastig og CACIB og er greinilega að feta í fótspor móður sinnar og föður.   Kókó var einnig valin besti hvolpur tegundar á sýningu í fæðingarlandi sínu Bretlandi í hópi 4 mánaða hvolpa rétt áður en hún kom til Íslands í lok ársins  2003. Hér má sjá Ættbók á HRFÍ  og sýningaárangur.

Vefur: Agla Þyri Kristjánsdóttir 2009